आपत्विपत् सहपर्ठा
हेरो भैयौ, टुन्हक्म आपत्विपत् परिआजाइ कलसे फे, बरा आनन्दित होओ। टुह्र सम्झलरहपर्ना बात यी हो: आपत्विपत् टुह्र परमेश्वरक्म जाट्टीसे विश्वास कर्ठो कि नाहीँ कैक टुन्हक विश्वासक जाँच कर्ठा। ओ उ जाँचले टुँहन आपत्विपत् मजासे सहसेक्ना क्षमता झन बह्राइक लाग मौका देठा।
उहओर्से आपत्विपत् सहटीजाओ, त टुह्र परमेश्वरक चाहलअस पूरा परिपक्व हुइटीजैबो। टुन्हक मजा गुणम कुछु कमि नैरही। तर यदि असिन अवस्थम का कर्ना कना बात टुह्र नैजन्टो कलसे, खुसी मनले देहुइया परमेश्वरसे बुद्धि माङ्गो। टुह्र बुद्धि मङ्ग्लो कटिम, उहाँ टुँहन हप्कुइया नैहुइट। तर माङ्गबेर, परमेश्वरक्म विश्वास करपर्ठा। शंका कर नैपरट, काकरकि बयालले बाँस हिलाइअस, शंका करुइयन्हक मन एकदमसे हिल्टीरठन। ओसिन मनै, "परमेश्वरसे कुछु पैबी" कैक नैचितैलसे फे हुइठा। हुँक्र दुइ मन रहल मनै हुइट ओ आपन मन परमेश्वर ओ संसार दुनुओर लगैलकओर्से, हुँकन्हक सब चालचलन अस्थिर रठन।
