कामम नैलैजैना विश्वास मुवल विश्वास हो
हेरो भैयौ, यदि कौनो मनैया "मै परमेश्वरक्म विश्वास कर्ठुँ" त कठा, तर उहाँक् इच्छा अनुसार काम नैकरट् कलसे, का फाइदा? ओसिन मनैन परमेश्वर बँचैहीँ का? मानिले कौनो विश्वासी भैया या बहिनेकठे आवश्यक लुगाफाटा नैहुइटस, ओ ओहीह दिन-दिनऽ खाइ फे नैपुग्टस। यदि टुह्रमध्ये कुई ओहीह "मज-मज रह्हो, टुँहिन खैना, लगैना प्रशस्त पुग" केल कठा, तर ओहीह आवश्यक परल चिज कुछु फे नैदेहट् कलसे, का फाइदा? ओसहेँक यदि टुह्रमध्ये कुई "मै परमेश्वरक्म विश्वास कर्ठुँ" कह केल कठा, तर विश्वास अनुसारक काम नैकरट् कलसे, वाकर विश्वास बिनकामक विश्वास हुइटस, उ त, मुवल विश्वास हुइटस।
तर कुई महीह पुछी, "का टुँ जाट्टीसे परमेश्वरक्म विश्वास कर्ठो?" मै ओहीह कहम, "मै त उहाँक आज्ञा अनुसार काम कैरख्नु। परमेश्वरक आज्ञापालनf कर्ना काम बाहेक, और कौन तरिकाले टुँ उहाँक्म विश्वास करल बात देखाइसेक्बो? तर मै उहाँक्म विश्वास कर्ठुँ कना बात त, मै आपन कामले देखाइसेक्ठुँ।" परमेश्वर एक्कठो बाट कना बात टुँ विश्वास कर्ठो। उ मजा हो। तर एक बात सम्झलरहो कि ओसिक त भूत फे विश्वास कर्ठ ओ डरकमार लग्लगैठ, काकरकि परमेश्वर हुँकन दोषी ठह्रुइयाबाट।
| मनके आवाज Manke Aawaj► | प्रभुक दु:ख | रोजल डगर | जाटिक डगर Jaatik dagar► |
